القناطر الخيرية
روزاليوسف اليومية
ينظم فريق حملات تشجيع السياحة الداخلية رحلة نيلية الى القناطر الخيرية.. تعالوا نشوف القناطر بشكل جديد طول عمرنا عارفين ان القناطر مكان جميل وحدائق مميزة ورائعة، فى الفترة الاخيرة للاسف عرفنا انها بقت مهملة.. طيب اية رايكم لو صممنا نشوف القناطر حلوة؟
طيب إزاى؟ هنروح القناطر فى رحلة نيلية جميلة وهنستمتع بكل لحظة فى الرحلة من اول ما نركب المركب ونشوف جمال النيل لحد ما نوصل القناطر وهناك هننطلق ونعيد ذكريات الطفولة والتفاصيل كالآتى: التجمع يوم الجمعة 8 مايو فى تمام الساعة الثامنة صباحًا، عند المرسى النهرى الحكومى، هنركب اتوبيس نهرى، هنوصل القناطر وهناك هنتحرك بحنطور «كل 5 افراد فى حنطور» الحنطور دا هيوصلنا إلى جنينة مفتوحة وهنقعد فيها وهناك بقى جولة حرة.