نشطاء : القناة الثانية الإسرائيلية تعلن الحداد على شهدائنا والتليفزيون المصرى متمسك بالزوجة الرابعة
مروة مظلوم
«كان بيختم القرآن فى حر الشمس ..شايل سلاحه بيحرس على الحدود ..مات وهو بيجهز فطاره بعد صيامه ..مات وكله عزيمة يسهر ليله يكمل حراسته» .. إنها بعض كلمات الشباب فى وداع جنودنا ضحايا «رفح».. من ذروة الألم لذروة الاستنكار من ردود أفعال لم تتخذ بجدية وحزم من قبل المسئولين حتى التليفزيون المصرى لم يشاطرهم حزنهم بالحداد فاجأهم بالتزامه بعرض المسلسلات والأغانى والرقصات دون مراعاة لمشاعر المصريين المنكوبين فى أبنائهم .. فجاءت تعليقاتهم معبرة عن غضب شديد ممزوج بسخرية لاذعة على النحو التالى.
أى حد كان بيتابع مسلسل فرقة ناجى عطا الله على التليفزيون الاسرئيلى مش هيتذاع النهاردة اصلهم عاملين حداد تابعه ع التليفزيون المصرى الدنيا هناك زى الفل».
«طيب بقى نستنى لما التانية إسرائيل تعمل حداد عشان تليفزيونا يفتكر هو كمان ويعمل حداد».
«متخافش يا جندى يا خويا..دمك مش هيروح هدر..هنقعد نكتب عالفيسبوك ونغير صور بروفايلاتنا ونكتب للصبح..هنشتم الى قتلوك اقذر الشتائم ..نام وارتاح.».. «احذرى يا اسرائيل نحن قومٌ إذا غضبنا غيرنا صورة البروفايل «حداد» ونكسنا الأعلام واتهمنا بعضنا».. «يا ترى حداد التليفزيون المصرى هيبقى بشريط اسود على الشاشة من فوق و المسلسلات و الرقص فيها هيبقى شغال ولا ايه».
«ناس ماتت والتليفزيون المصرى شغال مسلسلات ولا كأن فى حاجة حصلت خايف افتح التليفزيون الاسرائيلى الاقيه مشغل قرآن وعامل حداد».. «القناة الثانية الإسرائيلية هتعلن الحدادعلى شهدائنا .. والتليفزيون المصرى متمسك بالزوجة الرابعة.
