السبت 4 أبريل 2020
رئيس مجلس الإدارة
عبد الصادق الشوربجي
رئيس التحرير
احمد باشا

الإعلاميون يدعمون مبادرات «خليك بالبيت»

دعا عدد كبير من المذيعين ، المواطنين الجلوس فى المنزل ، حفاظا على حياتهم من عدوى فيروس الكورونا. المذيعة وفاء الكيلانى، كتبت عبر صفحتها الشخصية على موقع التواصل الاجتماعى تويتر، تجنب التواصل لتتجنب العدوى، خليك بالبيت. المذيعة لميس سلامة مقدمة برنامج « صباح البلد» على قناة صدى البلد: قالت: «ربنا يحفظنا ويحفظ بلدنا وأولادنا، والأزمة تعدى على خير، وأنا ماشية بالمعقم والمطهر لأننا لازم نحافظ على نفسنا، حافظوا على نفسكوا وخليكوا فى البيت، و لو كل واحد بدأ بنفسه واهتم بأسرته والتزموا البيت يبقى الأزمة هتعدى ومافيش حد هيصاب بالفيروس، ونقدر بعدها نرجع لحياتنا الطبيعية من جديد». المذيعة دنيا صلاح عبد الله مقدمة برنامج «فى حتة تانية» على محطة ميجا اف ام، وجهت رسالة للمواطنين عبر صفحتها على موقع التواصل الاجتماعى فيس بوك: «إحنا فى وضع حرج واللى بنمر به صعب، ومحتاجين إن ناخد الموضوع بشكل جاد اكتر من كده، لأن تواجد الناس فى الشارع غلط وخطر، إنتوا بتعرضوا أرواحكم وأرواح أولادكم وجيرانكم للخطر، الموضوع مش هزار». وأضافت: «خليكوا فى البيت عشانكم، لازم يبقى عندنا وعى اكتر من كده، لان الموضوع مش سهل، ويخوف، والاختلاط غلط، ولازم كل واحد يركز على أدوات الوقاية من الكمامة الكحول ومطهرات الإيد وغسل الإيد، ومافيش سلام على بعض بالإيدين،أرجوكم اعدوا فى البيت، المطلوب مش صعب، لأننا فى حالة حرب ضد مرض». مذيعى قناة Extra news، نشروا صورا لهم عبر صفحاتهم على الفيس بوك، وهم حاملين لوحة مكتوب عليها «إحنا فى شغلنا هنوصلكم الخبر، خليك فى البيت، علشان متبقاش أنت الخبر»، ومن هؤلاء المذيعين المذيعة ريهام السهلى، آية عبد الرحمن، دينا سالم، شادى شاش، دعاء جاد الحق، إنجى طاهر، احمد ابو زيد، ومحمود السعيد. نفس الأمر للإعلاميين اللبنانيون، حيث دعمت المذيعة اللبنانية راغدة شلهوب مقدمة برنامج «تحيا الستات» على قناة النهار،حملة خليك بالبيت فى لبنان، ونشرت فيديو لها على صفحتها الشخصية عبر الفيس بوك ، قالت خلاله: «استهتار، لو مش خايفين على صحتكم خافوا على صحة أولادكم ، الكورونا مش مزحة يا جماعة خليكوا بالبيت». المذيع اللبنانى وسام بريدى، نشر فيديو له، مدعما حملة خليك فى البيت، و قال: «الله يحمينا ويحميكن خليك بالبيت وما تستهتر». المذيعة انابيلا هلال: «صحتنا اليوم قضية طارئة، وطن بكامل يا يموت يا يعيش عشان كده  قبل كل شىء، الأهم بهذه المرحلة ان نبقى بالبيت نبقى عايشين». المذيعة منى أبو حمزة، كتبت على صفحتها الشخصية على موقع تويتر: «نعم للصبر وللنفس الطويل، لا للهلع من كورونا».