قصة قصيرة ست البنات

ليه فى وشك فكر دايب 

يرمى ع الأرض السلام

لمَّا عينى تشوف عنيكى

حتى لو كنت ف منام

لمَّا بحر العين محبة

والشطوط للموج تفارق

والرموش تحرس ضياكي

والقمر بدر البدور

حبى يجرى كأنه مد

والقمر سهران بوجد

عينه حارسه السهرانين

والغيطان فى عنيكى تسرح

والعنب عنقوده طاب

دوقينى منه حبة

المحبة ماتستخبي

والعسل فوق الشفايف

آه يانار المحرومين

والخجل يمسح شفايفك

والحَمَار ف الخد ضارب

والعنين للأرض تنزل

خايفة م الشوق والحنين

جتنا نيلة مغفلين

هى دى ست البنات

لما تطلب دغرى هات

جوة نن العين تبات

تعشقك يوم التلات

ع الخميس متجوزين

شعر - سامح لطف الله