قصيدة
هلاهيل
نصر هاشم/ قنا
قفاطين
كستور
وحلم طالع
ف وش النور
يبدر غناوى
البنات بفجور
لسانى شايل جدور
الحلم ومسافر
بعافر
لجل م اوصلك
الدرس غطان الكلام
ارمى. السلام
من بعيد
واضحك على نفسى
بكام غنوه
تواشيح بتطلع
م الدماغ
شايل وداع الأرض
جوايا بكوم حواديت
يمكن تموت
بنانيت
الحته جوايا
تسمع غنايا
وأن يدوب ف الغنا
الأول
مكان الحلم عبنول
طول
غياب الحبيب
ساعة م اغيب
عن وش القمر
تدخلنى جو ايا
تلضم هوايا
ع السكك والبيوت
تغزل تابوت
البيوت
تطلع بعلو الصوت
تنده مفكركيش
الحلم جيش
مرصوص
عيل وملحوس
بيبوس
تراب الأرض
يوصلك
قلبى اللى قلك
فتيه
فكرانى بضحك
لسانى بسحك
لما هدمتى دابت
أنا رأسى شابت
و لا أنا ال معجون
بالكلام
ارمى السلام
لو مره عديتى
اكمنى بيتى
ملهوش شراع
ولا شيش
الحلم
ميجيش
آلا ف ساعة نوم
تطرح هموم
الوجع
تغزل شيلان
بتعوم
وأنا اللى مقسوم
عل كل الخلق
إلا أنتى
لو مره بنتى
حسى بالدراويش
