قصيدة حبة ورق

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة أو خواطر «على ألا تتعدى 550 كلمة» مرفقا بها صورة شخصية على الإيميل التالى:

الأعمال للفنان محمد تاعب  

 

حبة ور ق

فوق الطرق 

قلبي اتحرق 

فوق  النبق 

قلبي اتسرق

لحظة غناكى 

ع   الورق 

وف سكة التايهين

ع الرصيف 

قلبي اللى حايف خايف 

يلضم الجايين من بعيد 

الحلم عيد بيعيد 

شكل الصور عل الوريد 

قلبي اللى شابك

ع الجريد غنوتك 

السكة مش سكتك

ولا كنتى مشتيها 

لا عرفتى   تبنيها 

ولا لحظة نسيتيها 

انتى اللى شديتى

الوداع 

قلبي اللى باع بالدراع 

خطوتك مش سكتك 

ولا كنتى عرفتيها 

انتى المكان واللقا 

والقلب لما اتلقا 

لفت بيوت الكون

يمكن أخون 

وانسى انى حبيتك 

ف القلب كان بينك

انا اللى اهديتك

ساعة ما حبيتك 

للوطن اللى نايم 

ف الضلوع 

للقلب اللى قايد بالشموع 

للروح اللى مش

قابله الرجوع

ساعة الطلوع

من كام سنه

وانتى وأنا 

ف حبة آهات 

القلب بات يشبه بنات 

الكون جوه الحاجات

ياسكة اللى يفوت

الحلم لساه موت

بيتوضى 

القلب خضى

بيلضم الواقعين 

ع الحلم سنين

وسنين

قلبي اللى حالف

ميت يمين 

معرفش يوم غيرك