واحة الإبداع
حاسب عليا
الأعمال للفنان مارك شاغال
يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة أو خواطر «على ألا تتعدى 550 كلمة» مرفقا بها صورة شخصية على الإيميل التالى:
حاسب عليا
قصيدة
شعر- محمد عبدالعزيز رمضان
حاسب عليا
حاسب يا قلبى
كفايا مش ممكن
وداع
أنا مهما أقولك
ولا أعيدلك
روحى مش قابله
الخداع
حبيتك أنت
وكنت عمرى
بس خنت
وحبى ضاع
طب روح وسبنى
ليه تعاتبنى
أنا مش هعيش
مع حد باع
حاسب عليا
حاسب يا قلبى
رجوعى ليك
بقى مستحيل
بينى وبينك
سد عالى
صبح ما بينا
طريق طويل
كانت رواية
وقصة حلوة
واللى بينا
مش قليل
ضحيت عشانك
كنت راضى
بس أنت
لقيت بديل
وكسرت قلبى
وكنت قاسى
وكان دا ردك
للجميل
حاسب عليا
حاسب يا قلبى
قدرت تنسى
حب كان
ابعد وسبنى
كفايه تخدع
مش هفكر
فى اللى خان
إنسانى وانسى
كل حبى
أصله مات
كدا من زمان
وصبحت ذكرى
ووهم عدى
غدرت بيا
وحبى هان
حاسب عليا
حاسب يا قلبى
أنا مش هعيش
فى الذكريات
همسح دموعي
واعدى خوفى
ومش هفكر
فى اللى فات
كان بينا كلمة
وضحكة حلوة
قتلتها بطول
السكات
وجرحت قلبى
قدرت تهجر
دقت ظلمك
حلمى مات
حاسب عليا
حاسب يا قلبى
أنا مش هقرب
من جديد
ولا يوم هصدق
كلمة منك
روح خلاص
ابعد بعيد
جربت غدرك
عشت ظلمك
مش هعيده
من جديد
وغلبت أقولك
أوعى تبعد
سبتنى وبقيت
وحيد
وندمت إنى
فى يوم عرفتك
بس ندمى
بإيه يفيد
وصبحت عايش
جوا حزنى
ومهما أحاول
مش سعيد
وحاولت أهرب
بس ألمى
كان بيقتل
كان شديد
