واحة الإبداع: نزل المسيح

اللوحات بريشة الفنان سيف الإسلام صقر

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

محمد مصطفى عزوز

نزل المسيح بغنوته
أصل الأغانى علته
بصيت وسط السكون
لقيت شفايفه بضحكته
قلت أكيد يمكن يكون
حد عرف محبته
الحب عنده شيء جنون
تشفى العليل فى تربته
يرموك بعيد بنى صهيون
والكل عارف سكته
بنى إسرائيل راح يصلبوك
أو يكرهوا فيه هيئته
ولا يقدروا آه يقتلوك
ربك مقدر كلمته
وأتنين ملايكه بيرفعوك
علشان تقابل حضرته
الكل ساكت فى التابوت
الكل خانع لقدرته
الكل يسأل ليه يموت
عربى وأيه بيزفته
راح المسيح ينزلهم
ومعاه جنوده وعدته
اضرب عليهم كل باب
وكل ظالم سكته
هتشوف آه معنى الشباب
ربى هيبرز قوته
مع الملايكه بشر كمان
ويبقى لشعبى سطوته
أنا مش هخاف أنا مش جبان
والكل ينصر أمته
عيسى يموت والله شهيد
والكل يحضر دفنته