روبى: «شفت حكايات فى مدارس البنات مقدرش اكشفها إلا بمسلسل»

كتب - محمد خضير

كشفت الفنانة روبى: «التحاقى بمجال الإعلانات تسبب فى غيرة بعض البنات وأصبحت المشهورة بتاعة المدرسة».
واشارت خلال لقائها مع الفنانة إسعاد يونس ببرنامج «صاحبة السعادة» على قناة«cbc» أمس الاول: «الموضوع ده كان بيضايق بنات كثيرة.. غيرة بنات بقى وكان فى واحدة صاحبتى بحبها بس كنا بنقعد نغيظ بعض وفى يوم استنتنى على باب المدرسة ومعاها فصل كامل وأكلت علقة منهن.. وماقدرتش على فصل».
وأضافت: «ده بقى الفرق بين المدارس الحكومى والخاص البنات مفتحة جدًا، شفت حكايات مقدرش اكشفها إلا فى فيلم أو مسلسل».
وكشفت روبى أن المخرج الراحل يوسف شاهين، هو صاحب قرار تغيير اسمها من رانيا حسين إلى روبى، قائلة: «يوسف شاهين قالى أنا عايز أغير اسمك عشان فى رانيا كتير منه رانيا فريد شوقى ورانيا يوسف».