..وجلسة توبيخ لرئيس «الأنفاق» بنقل النواب وطعيمة: «بيخزقوا عيون المصريين»

شن أعضاء لجنة النقل بمجلس النواب، هجومًا حادًا على ممثلى الهيئة القومية للأنفاق، وذلك أثناء مناقشة تنفيذ الخطة الاستثمارية للهيئة خلال العام المالى 2016/ 2017.
 جاء ذلك فى اجتماع اللجنة أمس، حيث استعرض رئيس الهيئة العامة للأنفاق، طارق أبوالوفا، الأرقام التى تضمنتها الخطة الاستثمارية بشكل عام دون استعراض التفاصيل أمام الأعضاء، وهو الأمر الذى رفضه النواب، لافتين إلى أن الأرقام ليست تفصيلية، ومكتوبة فى التقارير الواردة للجنة بشكل عام.
وتحدث النائب سعيد طعمية، رئيس اللجنة بشكل حاد مع ممثلى الهيئة  بقوله: «الظاهر إنكم مش متابعين شغلكم، ونسبة تنفيذ الخطة الاستثمارية قليلة، انتوا مهملين فى شغلكم، وهتيجوا فى جلسة الأسبوع المقبل، لازم تذاكروا وتناقشوا وتكون الأرقام تفصيلية مش مكتوبة بشكل عام كدة»، فيما اتفق معه  لنائب وحيد قرقر، وكيل اللجنة، بقوله: «أى رقم هيتعرض علينا فى أى هيئة يتعرض بتفاصيله، إحنا مش بنبصم، ده مال دولة، دى أرقام بالمليارات عايزين نعرف أتصرفت فين».
وامتد النقاش والهجوم بشأن صرف خوافز للعاملين بالهيئة بعد قرار رفع التذكرة  حيث قال طعيمة: «والله عيب اللى حصل انتوا كده بتخزقوا عين الشعب على الملأ إزاى تانى يوم بعد ما تغلى تذكرة المترو، تاخد قرار زى كده، لازم تعرف إنك النهارده فى الشغل، وبكره بره، لازم تتأكد إن ممكن يكون حد فى أسرتك ناقم عليك».
وعقب رئيس الهيئة القومية للأنفاق،على قرار صرف الحوافز بقوله: «التوقيت مكنش مناسب، بس ده أمر من الجمعية العمومية والعاملين اللى كانوا هيتظاهر ولو  محصلشى كده».
وبشأن أزمة اصطدام مترو باتجاه حلوان المرج  قال  رئيس الهيئة: «الونش إللى عندنا مكنشى بالحجم المناسب إللى يساعدنا لإنهاء الأزمة»، فرد رئيس اللجنة: «أنت بتكلم واحد طول عمره على الطريق، أنا مسجل على تليفونى كل أرقام أصحاب اللوادر، وكانت أول ما تحصل حادثة أكون موجود».