واحة الإبداع.. موش مهم

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    
[email protected]

اللوحات للفنان
محمود أبو العزم


موش مهم

بقلم - ممدوح الطنطاوى


موش مهم تقولى عنى            ده حبيبى أو نصيبى ف الوجود
موش مهم يقولوا إنى         ده حبيبها وهو رمز للصمود        
كلمه بس خديها مني            يا حبيبتى وموش وعود
مهما عشت تلاقى حضنى        حصن يحمى م الأسود
حضن دافى فيه مشاعر        تبقى وحى لألف شاعر
الحب قسمه كاسه داير        حبى مخلوق للخلود
يا حبيبتى مهما أوصف حبى ليكى    موش هلاقى ف المعانى وصف فيكى
عشقى نابع من شعورى بخوف عليكى    وعدى ليكى أقوى من كل العهود
مهما أرسم صوره حلوه        مهما أكتب ألف غنوه
رمشك انتى يبقى هو            اتخلق له أحلى عود
مهما قالوا إنك انتى موش بريئة        مهما قالوا إن قربى ليكى ضيقه
نظره واحده من عينيكى تقول حقيقة    إنك اطهر من كلامهم والحقيقة راح تسود
موش مهم إنى اشوفك        قلبى عايش بين ظروفك
والمهم إن خوفك            ينتهى وحبك يعود