نشطاء السوشيال ميديا: مصر قبل السيسى «مكنتش سويسرا كانت مليانة أزمات.. لو كنت ناسى أفكرك»

بعد حالة السخط التى انتشرت بين كثيرين جراء رفع أسعار البنزين وغيره من الخدمات الأخرى، سارع نشطاء مواقع التواصل الاجتماعى فيس بوك وتويتر بنشر العديد من الصور التى تعبر عن حال مصر قبل استلام السيسى لها، وقال أحد مغردى تويتر عبر حسابه الشخصى: «للمغيبين لو كنت ناسى أفكرك دى مصر قبل السيسى لحسن تكون فاكر أن السيسى لما استلمها كانت سويسرا وخلاها الصومال حافظوا على  راجل مش فارق معاه نفسه».
وقال أحد نشطاء موقع فيس بوك عبر حسابه: «كل القرارات اللى بياخدها السيسى دى لصالح الفقرا بس أنتم مش عارفين يعنى لما كان فى دعم على البنزين كان بيستفيد منه ناس مليانة وجيوبها عمرانة ومتستحقش الدعم يعنى واحد عنده مصنع فيه 20 عربية وواحد معندوش غير عربية صاحب المصنع ده استفاد بالدعم عشرين مرة يعنى اكتر منى ومنك خليك فاهم مش حافظ». وقالت أخرى عبر حسابها الشخصى على فيس بوك: «الناس كلها عاملة مناحة ومضايقة لو عايزين بلدكم يحصلها نهضة لازم يكون فى إجراءات تقشفية ولازم الكل يستحمل دى اليونان لما حصلها كبوة اتخذت إجراءات تقشفية صارمة خلتها تعدى كبوتها وتبقى من أغنى الدول ودرسنا زمان أن أهم طرق النهضة تحسين شبكة الطرق ورفع الدعم يا متعلمين يا بتوع المدارس».