التحرير فش غل.. والعباسية هي الشرعية

صوتنا من التحرير ماوصلش لكن في العباسية أوضح.. لما المجلس العسكري يطلب منك تروح ميدان التحرير.. اعلم أن الميدان لم يعد له قيمة ولابد من تغيير.. هما فاكرينا شوية عيال هيسيبوهم يهاتوا في التحرير ومحدش يسمعهم.. لا إحنا نسمعهم صوتنا غصب عنهم.. التحرير ميدان الشهداء والعباسية ميدان الجهاد «حي علي الجهاد».. إنها بعض ما يردده النشطاء حول ميدانهم الجديد.. من التحرير للعباسية قصة كتبت حروفها بالدم.
يري النشطاء أنه لم يعد لميدان التحرير قيمة إذ اعتاد المسئولون عليه ميدان «ساحة فضفضة وفش غل» لا ضير من زيارتها كل اسبوع والصراخ فيها دون آذان تصغي وتستجيب لمطالبها فيقول محمد مجدي ناشط: «هنروح علي وزارة الدفاع إن شاء الله، التحرير مابقاش ليه لزمة خلاص، المجلس العسكري هرسه ومبقاش بيضغط عليه زي الأول.. وخليك فاكر أن مبارك تنحي في اليوم اللي روحناله فيه قصر الرئاسة، الثورة فكــــــرة مش التحرير».
ويري بعض المعتصمين أنه غير آمن مثل ميدان التحرير الذي يسهل السيطرة علي مداخله ومخارجه فتقول دينا سالم إن «ميدان العباسية وانت واقف وسط الضرب تحس انه في حد ذاته كمين اصلا لكن التحرير بيكون كل اللي في ضهرك أمان والضرب من قدامك وأنت عارفه»
 وعن نزول محمد الظواهري وأتباعه إلي الميدان أصيب الجميع بحالة من الهلع في أن تحسب خطوات هذا الرجل علي الشباب فتقول هند محمد ناشطة: «أنا مش مستغربة ان الظواهري يكون فعلا» في الاعتصام لأني شفته في آخر جمعة كبيرة في ميدان التحرير والناس ملمومة حوليه.. اللي مستغرباله فعلا هو ليه دلوقت عايز الحركة دي تحسب لصالح تيار معين.. دي حركة شباب يا جدعان «