النشطاء: الشعب يمهل الزند 36 ساعة لتقديم استقالته

 
 إذ سخروا من تهديده والتحدي غير المتكافئ فكانت تعليقاتهم الساخرة علي النحو التالي:
حد يقول للزند أن مهلة الـ٣٦ ساعة،  فاتت ومرسي لم يتراجع ولم يعتذر زي ما الزند حذر.. عايزين نشوف رد فعله، «لأن الفوكبوص وطنيطر مليانييييين قباحة.. نقدم لكم «الزندباد البحري».. وبجلمة القباحة».
«ياسر علي: يا ريس الزند مديك مهلة 36 ساعة هتعمل ايه؟.. مرسي: يمهل ولا يهمل وله في خلقه شئون»، «الزندباد عاد لينتقم»، «أسلام يا مرسي أما تخلي المدفع يضرب العصر تبقا كفاءة آساحبي.. بس المشكلة هيطلع القرار غير دستوري».      واتجه بعضهم برسالة إلي المستشار الزند جاء فيها «كنت فين يا زند من 30 سنة لما القوانين كانت بتتفصل لمبارك واعوانه كنت فين لما قضايا الفساد عفنت عندكم ومحدش عمل حاجه كنت فين لما الانتخابات بتتزور كنت فين يا ظالم من دا كله ومن غيره حسبي الله ونعم الوكيل فيك دا الظلم حسابه كبير اوي عند ربنا ابقي خلي سلطتك وكرهك للإسلاميين ينفعوك ف قبرك اتقي الله كنت تقدر تعمل كده مع مبارك والله ما كان طلع عليك الصبح ولا قامتلك قومه بعد كده بس هوا المحترم مينفعش مع اللي زيك انتي دارس قانون انت اومال اساتذة القانون والفقهاء اللي قالوا قرار سليم دارسين ايه كوسة هي دي الناس التي لا تخاف في الله لومة لائم راجع نفسك محدش هينفعك ولا حد هيتحاسب مكانك هتشيل الشيلة كلها لوحدك والمهلة مش للرئيس دا ليك انت».
وجاء علي الصفحة الرسمية لاتحاد محامي مصر علي  موقع التواصل الاجتماعي فيسبوك: الشعب والثوار يعطون المستشار أحمد الزند رئيس نادي القضاة الحالي مهلة 36 ساعة لتقديم استقالته.