«وفاكر إنك تعرفها» جزيرة فرعون
روزاليوسف اليومية
معظم الناس متعودين يسافروا شرم الشيخ أو الغردقة بس المرة دى جروب تشجيع السياحة الداخلية هيختلف عن كل الناس وهيروح مكان من أجمل بقاع مصر..طابا المصرية ودهب وهيكون البرنامج كالتالى التجمع يوم الثلاثاء 30 ديسمبر الساعة الواحدة صباحاً بمقر الجو باص فى ميدان عبد المنعم رياض بجوار هيلتون رمسيس.. وفى اليوم الأول سيتم الاحتفال برأس السنة فى الفندق.. وثانى يوم هيتحرك الجورب بالمركب من الفندق عشان يزور قلعة صلاح الدين بطابا المصرية ومن بعدها جزيرة فرعون وينزل من المركب ويطلع اعلى الجزيرة لمشاهدة القلعة الوحيدة التى تشرف على حدود أربع دول (مصر - فلسطين المحتلة - الأردن - السعودية) ومن بعدها التوجة لـ«دهب» وهيكون فى فترة مفتوحة للى عاوز يعمل سنوركلينج أو ينزل البسين أو بلاج الفندق أو ينزل يتمشى فى دهب فى وسط البلد.. واليوم الثالث زيارة منطقة الحفرة الزرقاء (البلو هول) اهم منطقة غطس فى العالم وهيتم الجلوس هناك فى كافية قعدة بدوى فى الجبل على البحر وبعدها جولة حرة.