«بنى آدم شو» لـ«المحللين الاستراتيجيين»: الجمهور بقى مش فاهم منكم حاجة

قال الفنان أحمد آدم خلال برنامج «بنى آدم شو» والمذاع على قناة الحياة: إنه يراهن الجمهور إذا كان يفهم رأى المحللين الاستراتيجيين الذين يتحدثون عن حرب اليمن، أو فهم رأيهم سواء كان مع الحرب أو ضدها.
وقال أيضًا: «المذيعون يظهرون بعد الفاصل، وشه أحمر وخدوده معلمة عليها صوابع، لأن فى الفاصل بيقعد يلطم، لأنه مش فاهم حاجة».
وتابع: «إذا كان المذيع وشه بيحمر أمال إحنا اللى بنتفرج إيه اللى هيحمر فينا».
كما أضاف أدم «إن كل حاجة كانت حلوة فى  مؤتمر القمة العربية فى  شرم الشيخ فيما عدا استقبال الرئيس لأمير قطر، موجها كلامه إلى قطر قائلا: «اوعى تكونى فاكره يا قطورة إن أميرك لما جه واستقبلناه يبقى كده خلاص لا يا قطورة لا لا».
وأضاف: «هناك فرق بين السياسة والاعتبارات الدبلوماسية وبين الإحساس الشعبى، اللى مش طايق وجودكم وسطينا، مضيفا «مش إحنا اللى ننسا اللى خان ولا ننسى اللى دفع عشان ولادنا تموت، وأن استقبال الرئيس لأمير قطر كان مجرد «بروتوكول».