والدة قاتل زينة: «السر فى الملابس الداخلية»

كشفت الراقصة الاستعراضية، لؤلؤة، والدة قاتل الطفلة زينة، عن العديد من المفاجآت بشأن القضية، خلال لقائها أمس ببرنامج «أسرار من تحت الكوبرى»، المذاع عبر فضائية «القاهرة والناس»، مع الإعلامى طونى خليفة.
 وقالت الراقصة: «اللى محدش يعرفه إن أنا اللى ودّيت ابنى للشرطة وسلمته، وأنا اللى طلبت عمل التحاليل، لأنى متأكدة من براءة ابنى، ده غير إنى هددته علشان يعترفلى وقالى والله مش أنا».
 وأضافت: «عائلة الطفلة كانت مهددة أيضًا بالقتل والخطف من قبل بعض الناس، ولن أذكر مَنْ هم، وسأظل ألتزم الصمت، ده غير إن الناس شافوا راجل نازل يجرى فى نفس وقت ارتكاب الجريمة».
 وتابعت: «سر براءة ابنى فى الملابس الداخلية لزينة، لأن الطفلة وجدوها ملقاة بملابسها الداخلية، فكيف حاول ابنى اغتصابها، وهو لن ينزع عنها ملابسها».