الرئيس السيسى: 5 آلاف شركة تابعة للقطاع الخاص تعمل معنا فى تنفيذ المشروعات
![](/UserFiles/News/2023/09/26/424784.jpg?230926111640)
أحمد امبابى وإسلام عبدالرسول وأحمد قنديل
رحب الرئيس عبدالفتاح السيسى، بالمشاركين فى اجتماعات البنك الآسيوى للاستثمار فى البنية التحتية والمقامة فى مدينة شرم الشيخ وقال: «تقديرنا للبنك والدور الكبير اللى قام بيه خلال 8 سنوات والمستوى اللى وصل له فى فترة زمنية مش كبيرة تانى بنك متعدد الأطراف على مستوى العالم بقدرة أو محفظة تصل 100 مليار دولار.. وتصنيف من الوكالات مثل فيتش A 3 ونظرة مستقرة مستقبلية.. وقيمة التمويل اللى قدمه خلال السنوات اللى فاتت زى ما ذكر أكثر من 44 مليار دولار لـ 35 دولة لـ 232 مشروعًا ده أمر عظيم ورائع».
وأكمل الرئيس السيسى: «بالنسبة للتعاون مع مصر بسجل تقديرى للبنك الآسيوى للاستثمار وفيه محفظة داخل مصر بقيمة 1.3 مليار دولار والحقيقة بنتطلع للمزيد.
وتساءل الرئيس السيسى: «هل القطاع الخاص النهارده كان بعيدا عن البناء ده؟.. لا.. القطاع الخاص كان شغال معانا هو وشركاته اللى قامت بالعمل فى هذه المشاريع، لأن شركات القطاع العام ماكنتش قادرة لإقامة هذه المشروعات اللى إحنا بنتكلم فيها وبالتالى جزء كبير من التمويل أو جزء كبير من الأموال التى أنفقت كان نصيب شركات القطاع الخاص فيها ضخم جدا، متابعا: «أتصور أن القطاع الخاص اللى اشتغل معانا وهنا بتكلم فى 5000 شركة لأن معظم المشروعات التى تم تنفيذها فى مصر كانت بواسطة شركات مصرية من القطاع الخاص».