خايف أقولك

شِعر -  محمد عبد العزيز رمضان

 

خايف أقولك أى حاجة

تفتكر إنك بعيد

يا حبيبى إنت عمرى

عمرى كله أنا مش وحيد

دنيتى وشوقى وحبى

لو بعدت أنا مش سعيد

حب غالى عليا أيوه

من زمان لا مش جديد

خايف أقولك يوم تعالى

ألقى بِنَّا ما فيش كلام

ألقى بِنَّا الحب حالة

كلمة حلوة والسلام

ليه قتلت حبيبى حبى

بين بعادك والملام

أنت فاكر حبى لعبة

لا كفاية من الخصام

خايف أقولك يوم بحبك

ألقى حبى مالوش وجود

كنت فاكر حبى أقوى

أيوه أقوى من الوعود

كنت بشتاقلك واعاتبك

بس حطمت القيود

كان ما بِنَّا سد عالى

سد عالى مالوش حدود

ضاع ما بِنَّا حب غالى

واللى ضاع إزاى يعود.