«نجمة رمى الرمح» رضا عادل: أبويا كان بيقولى «نفسى أشوفك بطلة وترفعى علم مصر»

أبى الله يرحمه كان الداعم القوى والسند لي هكذا بدأت رضا عادل لاعب مصر وبطلة العالم فى لعبة رمى الرمح حديثها  المطول مع «روزا جاردن».

■ ما دور باباكى رحمه الله فى مشوارك الرياضي؟
ــ دور بابا كان مخلينى مش محتاجة حاجة رغم الظروف بس الحمد الله.
■ هل كانت هناك طقوس معينة يفعلها قبل بداية البطولات التى تشاركين فيها؟
بابا كان ديما قبل كل ماتش يجبلى الفاكهة اللى بحبها.
■ ما الإنجازات التى حققتيها فى وجوده؟
ــ بطولة العرب فى الإمارات وحصلت على  الدهب الحمد الله وبعديها ب١٠ايام دورات الألعاب العربية دهب الحمد الله ورغم وجود بابا الله يرحمه لكنى كونت اتجنست لدولة قطر بس بابا مرضاش وقالى مش عاوز اموت وانت مش موجودة فى مصر.
■ كيف تأثرتى بوفاة والدك؟
ــ أثر موت بابا كثيرا عليَّ لكنى تعبت جدا وديما كونت أفتكر الكلمة الوحيدة له ماكنش بيقولى يا رضا كان بيقولى يا كوتش.
■ ما أبرز الدعوات التى كان يدعى ليكى بيها؟
ــ كام يدعى لي دايما ربنا يكرمك يا كوتش واشوفك رفعه عالم مصر والنشيد الوطنى يتردد.
■ هل باباكى كان أحد أسباب دخولك اللعبة؟
ــ بابا كان ديما يتخانق مع ماما علشان التمرين ماما تقوله مافيش بنت فى العيلة بتلعب رياضة دى مش بنت دى ولد و بابا كان يقولها سبيها تعمل اللى هى عايزاه.
■ خسارة أحد الوالدين كسرة كبيرة لكل إنسان ما النصيحة التى توجهيها للاعبين الأيتام صغار السن؟
ــ أوجه رسالة لكل بنت وكل ولد مش معنى انكم أيتام تستسلموا بالعكس لم اسمكم يترفع والعالم كله يقول عليكم أبطال احد الأموات من اب او ام فهذا له شأن عظيم.
■ هل هناك نصيحة معينة من والدك مازالت فى ذهنك حتى الان؟
ــ اطبعا النصيحة اللى كان يقولهالى اوعى تتكسرى الضربة اللى ماتموتش تقوى وكان الكلمة دى اتقالت لم خسرت بطولة واخذت مركزا ثانيا وبكيت  وقلت لأبي انا خسرت قال لى هذا الكلام.
■ ننتقل بالحديث إلى حياتك الشخصية عرفينى بنفسك وما بداياتك فى ألعاب القوى؟
ــ رضا عادل احمد توفيق 29 سنة.. لاعبه ألعاب قوى فى نادى بورفواد.. حصلت على العديد من الميداليات المحلية والدوليهً.. و18 سنة أمارس ألعاب قوى.
■ ما أبرز الميداليات والجوائز التى حصلت عليها؟
ــ حصلت على بطولة العربية فى الإمارات وحصلت على دورات الألعاب العربية بقطر وحصلت على بطولة العربية بقطر وحصلت على بطوله فى السودان وحصلت على بطولة العربية فى البحيرين.
■ هل عرض عليك من قبل التجنيس واللعب باسم دول أخرى غير مصر؟
ـــ اتعرض عليَّ فى دورات الألعاب ان اتجنس باسم قطر.
■ ما آخر الاستعدادات الخاصة للمرحلة القادمة؟
ــ بإذن الله بطوله كأس مصر الجمهورية شهر 8 وأستعد لدورات الألعاب العربية والافريقية.
■ ما أصعب الأمور واللحظات التى مرت عليك وانت تمارسين اللعبة؟
ـــ أصعب المشاكل وقت الاصابة بكتفى فى بطولة العربية بقطر كانت مؤهلة لبطولة البحر المتوسط بدولة  فرنسا ودى كانت اصعب لحظات حياتى ان اتصاب واعمل عملية قطع فى الوتر الكتف والحمد الله ربنا كرمنى بعد سنتين اصابة وعلاج طبيعى ان ارجع واشارك فى بطولة العربية بدبى وحصلت على الميدالية الذهبية والمركز الاول.
■ وجهى رسالة لبنات مصر وصغار السن المترددين من ممارسة الرياضة؟
- أقول لكل بنت الرياضة صخرة تتحطم عليها الشهوات.
■ ما هو ردك على مقولة البنات فى مصر آخرها تتجوز وتخلف وتقعد فى البيت؟
ــ أقول ان الجواز مش كل حاجة ايه المشكلة لم اتجوز والعب التفكير الشرقى ده خلاص بقا مش موجود يا جماعة الرياضة اجمل حاجة فى الدنيا.