نسيت أنساك

الأعمال للفنان نبيل راشد

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة أو خواطر «على ألا تتعدى 550 كلمة» مرفقا بها صورة شخصية على الإيميل التالى:

[email protected]

نسيت أنساك

قصيدة

كتبها – نسيله محجوب

 

نسيت أنساك

أنا اللى كنت بدوب فى هواك

وبتوضى فى نهارى وليلى

لأجل ما أصلى فى محراب رؤياك

ورغم البعد والعلقم وغصة تركتها فى الروح 

لسه مازلت باترجاك

أنت اللى كنت بستنى 

تجينى طيف فى أحلامى

أجيلك لابسة فستانى

أبيض بلون الورد 

تهادينى بورداية

 فى لون فستانى وفيونكة

تزين شعرى عشان ما تكون  لقلبك نبضه والإحساس

عشان ما تكون لقلبى ونبضى كل الناس 

وأتذكر فى وسط كلامى إنى نسيت

نسيت نفسى وأحلامى

نسيت كان إيه لون فستانى

طردت م الخيال طيفك

لعل الله

 ينجينى يناجينى ويغفرلى  لأنى فى يوم ناديتك وجافانى وهرب من عيونى النوم.. رجعت أتمنى إنى أنساك

وأرجو ربى أنى أسلاك

وأجفف م العروق دمى 

جافانى النوم وزاد همى

واظلم فى السما نجمى

وكل ما قاله ووعدنى

صبح يصاحبنى يضنينى ويقتلنى

 وبعد كل عذاب الروح وإدمانى لوجعى وألمى بتمناك

نسيت أنساك