واحة الإبداع
شعر.. ببص عليكى بعين كداب
الخميس 16 نوفمبر 2023
ببص عليكى
بعين كداب
بدق الباب
واهمسلك همسة
الأحباب
ولو عل الناى
اغنيلك غنوة
ع اللبلاب
ولو دأبت هموم
الخلق...
فوق التوب ما حلمى
أنا دأب
ما شعرى أنا شاب
وشاب القول
يدوب عنك
واكمنك....
حاجه م الدراويش
ف قلبى تعيش
وتلضم بيها غنوتها
بحبة طيش
بريحة هدمه بهتانه
بنفس الخيش
أنا ال درويش
ومتدروش...
أنا اللى غنايا بيحوش
مكان القول
ويرسم بنت بتلون
سنين وحول
أنا ال محلول
ومش حالل
أنا اللى تملى بتمايل
وفاكر نفسى
يوم.... طايل
أنا ال... داير
وبعاير
لو قلتى ف يوم
منسيش
بلمة ضحكه رنانه
أو مرضيش
شعر - نصر هاشم