رسمة وكلمة

الحركة البركة.. يا مراجيحى
يا علو حلو.. يا مراجيحى
صابحين فاطرين
 لابسين أخضر
كلنا على بعضنا بندور
لسة امبارح كنت منور
بفلوسى فانوسى الوحاويحي
يا صلاة النبى نازلة وطالعة
عقل وخف ولعب وصنعة
أنا طاير وفى ريحى القلعة
أنا طاير والقلعة فى ريحي
زغروطة فى قلبك من جوه
تنده على أش تلاقيه هو
والدنيا تقول لك يا بو قوة
ما أحلى مجاياتى ومراويحي
والهوا على البحرى وعلى ودنه
والشاطر أكبر من سنه
والجد يقول أوعى تونوا
واش قد الجد التفاريحي