واحة الإبداع.. أشكى لمين

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]


أشكي لمين

كتب: إبراهيم فراج

أشكى لمين
أشكى لمين يا زمن
وأحكى لمين حالى
تعبت وياك يا زمن
من كتر ترحالى
وصعبت عليا نفس يا زمن
من كتر ما جرالى
وراضى بهمى يا زمن
وكاتم جوايا أحزانى
مبا اشوفش طعم النوم يا زمن
من ظلم خلانى
شايفك ساكت يازمن
وسايبنى ف بحر الهم وحدانى
وسايبهم يقطعوا فى لحمى
واحد ورا التانى
وزارع ف قلبى الخوف
وواخد منى سندالى
حيرتنى وياك يا زمن
وشمتت فيا عزالى
ورمتنى فى بحر الحزن
غريق والموجة وخدانى
نفسى ارتاح يا زمن
وارسم على الشط عنوانى
وانسى نصايحك الخايبة
وأصفى حسابى من تانى
وحلملم شملى يا زمن
وحرجع حقى من تانى
وحبعد عن سكتك يا زمن
ومش حسمعك تانى
وحجهز سيوفى ورماحى
وححارب عزالى من تانى
ومش حسيب حقى يا زمن
ولا حسمح للظلم من تانى
وحضرب بسيوفى كل ظالم
وحرجع العدل من تانى
وحصوب رماحى على الاعادى
ومش حعملك حساب تانى
وحمحى الضعف من نفسى
وارجع بطل تانى