آية أيمن.. فخر السباحة المصرية: نفسى الناس تتعامل معانا زى الأسوياء

آية أيمن عباس سباحة مصرية من ذوى الاحتياجات الخاصه بدأت لعب السباحة منذ ما يقرب من 13 عامًا فى نادى الشمس حققت خلالها العديد من الألقاب والإنجازات ورفعت اسم مصر عاليًا فى المحافل الدولية ..آية فتحت قلبها ل»روزاجاردن» وتحدثت فى أمور كثيرة خلال الحوار التالى:


■ متى بدأت ممارسة السباحة؟  
- بدأت عام 2006 منذ ما يقرب من 13 عامًا فى نادى الشمس واخترت هذه اللعبة بالأخص لعشقى الكبير لها.
■ هل تتعرضين لنظرات مختلفة كونك من أصحاب الإعاقة؟
-  فعلًا أتعرض لهذه الموقف كثيرًا وبالأخص فى الشارع وهذا يجرحنى نفسيًا ولكنى دائمًا ما أرد على من يتكلم بطريقة غير أخلاقية.
■ من هم أصحاب الفضل عليك؟  
■ أصحاب الفضل يأتى فى مقدمتهم عائلتى عامة ووالدى ووالدتى خاصة وأيضًا مجلس إدارة نادى الشمس على رأسهم دكتور أسامة أبو زيد والكابتن تامر على المدير التنفيذى للنادى وكل أعضاء مجلس الإدارة وأيضًا مدربينى فى المنتخب والنادى كابتن شريف حبيب وكابتن أيمن كمال ودكتور أحمد سمير وكابتن مروان أشرف.
■ هل تتذكرين أولى بطولاتك مع المنتخب؟  
-  نعم كانت عام 2014 فى إسبانيا وحققت ميدالية ذهب وميداليتين فضة.
■  أصعب بطولة حصلت عليها؟  
-  آخر بطولة للعالم فى لندن أرهقت جدًا حتى وصلت لها وأعصابى تعبتنى.
■ كم بطولة حققتها مع المنتخب؟  
-  شاركت فى حوالى 9 بطولات دولية 3 عالم و2  أولمبياد  و2 دولى قبل بطولة العالم وحققت ميداليتين فضة وبرونز فى بطولة المكسيك 2017 كأول أصغر لاعبة مصرية تحقق هذا الإنجاز  .  
■ حدثينا عن بطولة لندن وكيف تم الاستعداد لها؟  
-  الاتحاد وفر استعدادًا جيدًا بعد ما رجعت من بطولة جلاسكو المؤهلة إلى بطولة العالم.
■ هل كان معك مرافق فى بطولة لندن الأخيرة لمساعدتك؟  
-  نعم والدتى تسافر معى دائمًا فى جميع سفرياتى  لتقوم على مساعدتي.
■ حدثينا عن أول يوم منافسات فى بطولة العالم «لندن»؟  
-  كان يومًا صعبًا جدًا لأننى أول واحدة بدأت المنافسة فى الفريق ولعبت أكثر من سباق وكنت أريد أن أصل لتارجيت معين وحققت ذلك.  
-  كيف تابعت دراستك خلال بطولة العالم بالمكسيك؟
خلال رحلتى ببطولة العالم بالمكسيك أخذت معى الكتب ومستلزمات الدراسة، فى ظل استعدادى للامتحانات الشهرية لدراستى بالثانوية العامة.
■ من أول شخص كلمك بعد انتهاء البطولة؟  
-  كلمت رئيس للاتحاد وبعد كده أهلى وأسرتى وهنأونى بالإنجاز الكبير ده.  
■  ماذا تودين تحقيقه  فى أولمبياد طوكيو القادمة2020؟  
-  أتمنى أن أحقق مركز كويس وميدالية فى أولمبياد طوكيو لأنى أول مرة حققت المركز العاشر فى أولمبياد ريو دى جانيرو  وآمل  أن أحقق مركزًا أحسن  فى طوكيو.
■  هل تشاهدين كرة القدم؟  
-  لا للأسف مش بتفرج عليها ومش بحبها لكن بحب شخصيات لاعيبة معينه بيمرسوها.
■  إيه رأيك فى محمد صلاح؟  
-  بحب محمد صلاح فى شخصيته فهو شخص  طموح وأتمنى أكون زيه فى يوم من الأيام هو كان بيساندنا  فى بطولة لندن  الأخيرة.
■ هل أسعدك قانون ذوى الإعاقة 2018؟
-  بعد قانون  2018  لذوى الإعاقة ما بقتش أسكت على حقى ، أكتر حاجة عجبتنى فى قانون متحدى الإعاقة أن اللى هيغلط فينا هيتحبس، كل ما أريده هو أن تعرفوا بأن لى عقلًا يفكر وقلبًا ينبض وصدقًا يحكى قصة إنسان.
■ أكتر سؤال أو موقف صدمك وأثر فيك؟
-  فيه واحد صدمنى جدًا لما قال لى سبب العجز إيه.. لازم الناس تتعامل بلطف أكتر لانى إحنا البنزين بتاعنا معنويات ولو مفيش كده 20 مليون بنى آدم ممكن يقعوا ومحبش موضوع جبر الخواطر والصعبنيات ده ونفسى الناس تتعامل معايا زى الأسوياء بشكل طبيعى ما بحبش حد يبصلى بصة استغراب أو صعبانيات وبقول للناس خليكم هاديين شوية علينا إحنا مستحملين نفسنا بالعافية.
■ هل لديك مواهب أخرى بجانب السباحة؟
-  بحب السينما والمسرح والإخراج والتمثيل وبحاول أمشى فى المجال ده.  
■ هل لديك أخوات؟
أنا بنت وحيدة ولى من الأشقاء أخ واحد.  
■ احكي لنا عن تضحيات والدتك؟
-  تضحيات ماما مش من دلوقتى من أول ما اتولدت لأنى لما اتولدت دخلت حضانات وقالولها إنى أنا مش هينفع أعيش وكل ما أدخل حضانة يخرجونى تانى وهى صممت ودخلتنى المستشفى وفضلت معايا وبعد كده بدأت علاج طبيعى اللى كان صعب فى الوقت ده لأنى كنت لسه صغيرة وكنت عاملة عمليتين وأنا عندى شهر،  وبعد كده دخلت السباحة والفريق  ذوى الاحتياجات الخاصة كان فى وقتها لسه بيتعمل وماما بقت بتيجى معايا التمارين كلها 3 مرات فى الأسبوع ولولا وقفة أمى مكنتش هقدر أرفع علم بلدى فى بطولة العالم مرتين.