الأعمال للفنان: ديميترى تشيباروس

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة أو خواطر «على ألا تتعدى 550 كلمة» مرفقا بها صورة شخصية على الإيميل التالى:

[email protected]

 

ناس وناس

 

قصيدة

 

شعر - أحمد طايع

 

فى ناس بتوحش بعض وهما قدام بعض 

وناس بتوجع بعض وهما أصحاب بعض

وناس بتكسب بعض وهمهم على بعض 

وناس بتكسر بعض  وغلبها على بعض

وناس تكشر بعض مع أنها من بعض

وناس كمان للناس والمسألة إحساس

وناس تعد الجمايل متأصلة بالأصل

 وناس كتير كرمز ومعلم من المعالم

 وناس كتير بتهبد فى الفاضية والمليانة

فى ناس تبلط قفا وتشطبه سيراميك

 وناس متشالة للعوزة وناس محوجة للعوزة

وناس عل الغابة وجوزة ليلاتى متجمعين

وناس تخوض  فى  العرض لما تجيبه الأرض

وناس تصلى وتسجد من غير حتى ما تعبد

وناس هديها الله على الركعة والتوبة

حافظين كلام الله والزمة مظبوطة

وناس تناسب ناس فى الطبع والمنشأ

وناس بتنفر ناس ف الصلب والمبدأ 

فى ناس تتوب لله وناس تتوه عنه