الأعمال للفنانة شيماء درويش

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة أو خواطر «على ألا تتعدى 550 كلمة» مرفقا بها صورة شخصية على الإيميل التالى:

[email protected]

 

أنا وقلبى

 

 

قصيدة

 

شعر – ربيع زكريا

 

كان نفسى أسيب أثر 

يا قلوب زى الحجر

وإذاى أئمنلوا تاني

وأنا حاسس بلخطر 

قلبى رجع  يدق

هتعيد نفس الخطأ 

ما أنت جربت تانى 

وكان مين فيهم صدق 

خلينا لوحدنا 

دا بكلمه يهدنا 

أنا عشت العمر راضى 

والقلب الخالى عادى 

وبنكمل بعضنا 

أنا وقلبى أفترقنا 

بعد سنين أتفقنا 

عمال فيهم يجمل 

هو عايز يكمل

 وقول له مش طريقنا 

أبعد ياحب عنا 

سبنا الله يعينا 

هيطول ما بينا شرح 

هنقضى يومين فى فرح 

والدمع يبات فى عينا

خليك حلو الخصام 

وأهجر فينا بسلام 

خلاص قولنا هنبعد

سيب ذكرى للأيام 

ولو سألونى عنك  

هختار أحلى المعانى 

لو على اللى شفتو منك

مش عايزة أشوفك تاني

ليه لازم أكون أنانى 

واحد مجنى وجانى 

كان بينا كتير أمانى 

ورسائل فى الغرام

صفحه وخلاص طاوتها 

وحياه غيرها وبدتها 

ليه فى كل مكان حاكتها

والكلمه تجيب قصدها كلام