«هاجر محمد» مشجعة الأهلى التى حقق الخطيب حلمها: نفسى اتصور مع «صلاح»

حوار ـ محمد عبدالغنى

 

حرصت جريدة» «روزاليوسف” على محاورة هاجر محمد مشجعة النادى الأهلى التى قامت بزيارة النادى الأهلى واستقبلها محمود الخطيب رئيس النادى ومحمد الجارحى عضو مجلس الإدارة.

■  فى البداية ماذا فعلتى من أجل هذه الزيارة؟
ـ أنا كتبت على الفيس بوك أنى نفسى أروح الأهلى وأقابل الخطيب وأتصور معاه وأشوف التتش على الحقيقة ومكنتش مصدقة أنها هتتحقق ولكنها الحمد الله أتحققت.
 ■ تواصل معاكى؟
ـ رضوى بنت أخت الجارحى شافت البوست ووصلته للجارحى وبعدها تواصل معايا وكلمنى وقالى بكرة  الساعة 2 تكونى فى النادى.
 ■ ماذا حدث عند دخولك النادى؟
ـ الجارحى كان فى الانتظار وسلمت عليه واتصورت معاه وقالى أستنى هنادى لكابتن الخطيب وجه وسلم عليا ومش اتكلمنا كتير ولكنه قالى» أدعيلى».
وبعد كدا الجارحى كلم المنسق الإعلامى للنادى ودخلنى التتش أتصور وبعدها  عزمونى على الغدا وأتفسحت باقى اليوم داخل النادى.
■  ما إحساسك أثناء مواجهة الخطيب؟
ـ حسيت أن حلم حياتى أحقق مكنتش مصدقة نفسى مش عارفة اعمل إيه من الفرحة والسعادة وأول حاجة قولتها له أنا بحب الأهلى أوى ياكابتن وهو قالى احنا مبسوطين أنك جيتى وشوفناكى النهاردة و«قوة الأهلى فى جمهوره».
 ■ ماذا عن مقابلة الكابتن عبدالعزيز عبدالشافى وخالد بيبو؟
ـ فرحت جدا أننى شوفتهم وأتصورت معاهم وزيزو عارفنى من قبل كدا وقالى «الشعر الى بتقوليه حلو ياهاجر» أما خالد بيبو قالى أنا فرحان بيكى.
 ■ إحساسك بعد انتهاء اليوم؟
ـ على قد ما كونت فرحانة بالى حصل طول اليوم أن أمنية حياتى اتحققت فعلا على قد ما زعلت أن اليوم خلص وهمشى بجد الأهلى حاجة فى الخيال وفعلاً الأهلى كبير وهيفضل كبير كفاية الاستجابة السريعة ليا ويفتحوا الأهلى كله ليا والملعب «حاجة تخلينى أشعر بالفخر.”
■  مين نفسك تشوفيه وتتصورى معاها؟
ـ محمد أبوتريكة ومحمد صلاح دول العشق كله.. ونفسـى أقابل صلاح واتصور معاه.