ابداع

شاعر الألف أغنية .. «مرسى جميل عزيز»
شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع للاحتفال بشاعر من طراز خاص كثيرا ما أسعدنا إن لم يكن علمنا كيف نحب بكلماته التى طالما نغنى بها أهم مطربينا «أم كلثوم - عبدالوهاب - عبدالحليم - عبدالعزيز محمود..»
 
هو الشاعر مرسى جميل عزيز التى تمر بنا هذه الأيام ذكرى ميلاده ووفاته معا فهو مواليد مدينة الزقازيق بمحافظة الشرقية «15 فبراير 1921 - 9 فبراير 1980» كتب عزيز أول قصيدة شعرية فى سن الثانية عشرة فى رثاء أستاذه وأذيعت له أول أغنية وهو لم يتجاوز الثامنة عشرة بعنوان «الفراشة» ولحنها له الموسيقار  رياض السنباطى وفى نفس العام 1939 انطلقت شهرته عندما كتب أغنية «يا مزوق يا ورد فى عود» وغناها المطرب عبدالعزيز محمود.
 
كتب أيضا عزيز الأوبريت الغنائى والقصة القصيرة والسينمائية وسيناريوهات بعض الأفلام إلى جانب المقال الأدبى فى بعض الصحف والمجلات، اعتبره النقاد ظاهرة أدبية وفنية بارزة.
 
 
 
 

 
سيرة الحب
طول عمرى باخاف من الحب وسيرة الحب وظلم الحب لكل أصحابه 
وأعرف حكايات مليانة آهات ودموع وأنين والعاشقين دابوا ما تابوا 
طول عمرى بأقول لا أنا قد الشوق وليالى الشوق ولا قلبى قد عذابه 
وقابلتك انت لقيتك بتغير كل حياتى 
ما أعرفش إزاى حبيتك ما أعرفش إزاى ياحياتى 
من همسة حب لقيتنى باحب وأدوب فى الحب وصبح وليل على بابه 
 
**** 
فات من عمرى سنين وسنين شفت كتير و قليل عاشقين 
اللى بيشكى حاله لحاله واللى بيبكى على مواله 
أهل الحب صحيح مساكين 
ياما الحب نده على قلبى ما ردش قلبى جواب 
ياما الشوق حاول يحايلنى واقول له روح يا عذاب 
ياما عيون شاغلونى لكن ولا شغلونى 
إلا عيونك انت دول بس اللى خدونى وبحبك أمرونى 
أمرونى احب لقيتنى باحب وأدوب فى الحب وصبح وليل على بابه 
**** 
ياللى ظلمتوا الحب وقلتوا وعدتوا عليه قلتوا عليه مش عارف إيه 
العيب فيكم يا فى حبايبكم أما الحب ياروحى عليه 
فى الدنيا ما فيش أبدا أبدا أحلى من الحب 
نتعب نغلب نشتكى منه لكن بنحب 
ياسلام ع القلب وتنهيده فى وصال وفراق 
وشموع الشوق لما يقيدوا ليل المشتاق 
يا سلام ع الدنيا وحلاوتها فى عين العشاق 
أنا خدنى الحب لقيتنى باحب وأدوب فى الحب وصبح وليل على بابه 
**** 
يا اللى مليت بالحب حياتى أهدى حياتى إليك 
روحى..قلبى..عقلى..حبى كلّى ملك ايديك 
صوتك..نظراتك..همساتك شىء مش معقول 
شىء خللى الدنيا زهور على طول وشموع على طول 
الله ياحبيبى على حبك وهنايا معاك الله يا حبيبى يا حبيبى الله الله 
ولا دمعة عين جرحت قلبى ولا قولة آه 
ما بقولش فى حبك غير الله الله يا حبيبى على حبك الله الله 
من كتر الحب لقيتنى باحب وأدوب فى الحب وصبح وليل على بابه
 
 
 

كامل الأوصاف
كامل الاوصاف فتنى والعيون السود خدونى
ليه يا قلبى ليه خدونى توهونى غربونى العيون السود
العيون السود رموشهم ليل بتحلم باللى غايب
العيون السود خدونى آه ياقلبى ياللى دايب
علموك تسهر تغنى علموك شوق الحبايب
ليه قلبى ليه خدونى توهونى غربونى العيون السود
كامل الاوصاف فتنى والعيون السود خدونى
من هواهم رحت اغنى ليه يا قلبى ليه خدونى
توهونى غربونى العيون السود قالوا الصبر بحوره بعيدة
قالوا شفايفه نايات بتقول تنهيدة وسهرت استنى والنجم معايا
دوبنى ودوبنا فى عيون نسايه ليه ياقلبى ليه خدونى
توهونى غرقونى العيون السود كامل الاوصاف فتنى
والعيون السود رمونى من هواهم رحت اغنى
ليه ياقلبى خدونى العيون السود
 
 
لولا الملامة
لولا الملامة يا هوى لولا الملامة
لأفرد جناحى ع الهوى زى اليمامة 
وأطير و أرفرف فى الفضا 
وأهرب من الدنيا الفضا 
وكفاية عمرى اللى انقضى 
وأنا بأخاف من الملامة 
و آه من الملامة 
سألونى كتير سألونى 
سألونى عليك .. بتحبيه ؟
أيوه أيوه و حأنكر ليه 
فرشوا لى الأرض دموع و الشمس جراح 
وده كله عشان حبيت
 و لا عشان قلت أنا حبيت 
يا عيون عطشانه ...عطشانة سهر 
يا قلوب مشتاقة .. مشتاقة سفر 
كتروا م الحب تلاقوا فى الضلمة ألف قمر 
بنحب يا ناس 
نكدب لو قلنا ما بنحبش 
بنحب يا ناس 
و ما حدش فى الدنيا ماحبش 
والدنيا يا ناس 
من غير الحب ما تنحبش 
حتى اللايمين .. زينا عاشقينن ..لكن خايفين ..لايمين تانيين 
لولا الملامة يا هوى لولا الملامة
 
 
ألف ليلة وليلة
يا حبيبى .. الليل وسماه .. 
ونجومه وقمره .. قمره وسهره 
وإنت وأنا.. يا حبيبى أنا .. يا حياتى أنا.. 
كلنا .. كلنا.. فى الحب سوا .. 
والهوى آه من الهوى 
سهران الهوى يسقينا الهنا .. ويقول بالهنا .. يا حبيبي 
يالا نعيش فى عيون الليل 
ونقول للشمس تعالى تعالى بعد سنة.. مش قبل سنة
دى ليلة حب حلوة بألف ليلة وليلة.. 
بكل العمر .. هو العمر إيه غير ليلة زى الليلة
إزاى أوصفلك يا حبيبى إزاى
قبل ما أحبك كنت إزاى
كنت ولا إمبارح فاكراه .. ولا عندى بكره أستناه.. 
ولا حتى يومى عايشاه.. 
خدتنى بالحب فى غمضة عين .. 
وريتنى حلاوة الأيام فين .. 
الليل بعد ما كان غربة مليته أمان 
والعمر إللى كان صحرا أصبح بستان 
يالا نعيش فى عيون الليل 
ونقول للشمس تعالى تعالى بعد سنة .. مش قبل سنة
دى ليلة حب حلوه بألف ليلة وليلة .. 
بكل العمر .. هو العمر إيه غير ليلة زى الليلة 
يا قمر ليلى .. يا ظل نهارى يا حبى .. يا أيامى الهنية 
عندى لك أجمل هدية.. 
كلمة الحب إللى بيها .. تملك الدنيا وما فيها 
واللى يفتح لك كنوز الدنيا ديه .. 
قولها ليه .. 
قولها للطير .. للشجر .. للناس 
لكل الدنيا ... قولها .. 
الحب نعمة ... مش خطية
الله محبة .. الخير محبة.. النور محبة ... يا رب 
تفضل حلاوة سلام أول لقا فى إيدينا 
وفرح أول ميعاد منقاد شموع حوالينا 
ويفوت علينا الزمان يفرش أمانه علينا 
يا رب .... 
لا عمر كاس الفراق المر يسقينا 
ولا يعرف الحزن مطرحنا ولا يجينا 
وغير شموع الفرح ما تشوف ليالينا 
يا حبيبى .... 
يلا نعيش فى عيون الليل 
ونقول للشمس تعالى تعالى بعد سنة. مش قبل سنة
دى ليلة حب حلوه بألف ليلة وليلة... 
بكل العمر .. هو العمر إيه غير ليلة زى الليلة.. 
ونقول للشمس تعالى بعد سنه . مش قبل سنه 
دى ليلة حب حلوه بألف ليلة وليلة... 
بكل العمر.. هو العمر إيه غير ليلة زى الليلة
 

 


نورا يا نورا
نورا يانورا يانورا ياوردة نادية ف بنورة
اسمك على رسمك صورة م القمرايه ياقمورة
نورا يانورا يانورا
نورا يا اسم على مسمى الليل بيه يبقى نهار
عشت انت وعاش من سمى يا أميرة على النوار
يانسيم رفارف يا شعير شفاف ولافيش اوصاف
توفيكى الحق يانورا
ياحلو ياللى الهو هفهف على توبك
اغير عليك م الهوا واحسد عليك توبك
مجروح ومالك دوا يا قلبى محبوبك
اسمك على رسمك لايق سبحان من ابدع رسمك
ياندى الصبيحه الرايق اسم الله يانورا على اسمك
ياليالى العيد من غير مواعيد
ابو حظ سعيد اللى تحن عليه نورا
نورا يانورا يانورا
 
 
بأمر الحب
بـــأمـر الحـــب افتح للهوى وسلــم
بـــأمـر الحــب افتح قلبك واتـكلـم
بلاش نـهــرب بـــلاش نــتـعــب
تــعال نحب ونســلم بأمر الحــب
بأمر الحـــــب اســــــمع يا حياة قلبـى نـدا قـلبــــــــــي
جاوبنــى بــــص لى قـــــرب كمان قـرب هنــا جنبــــي
وهـات شـوقك على شـــوقى وهات حبك على حبــــــي
وانا وعيونك الحلـــــــــوة نعيش قصة غرام حلــــــــوة
حرام نكدب على قلوبنــــــــا حرام الشوق يدوبنـــــــــــا
بلاش نـهــرب بـــلاش نــتـعـب
تــعــال نحب ونســلم بأمــر الحــب
حيــاتــى دنيتـى عمــــــرى بأمـر الـحب مـش أمـــــري
باحبك حـب ماحدش قبلـى عرفـه ولا صـادفــــــه
باحبك حـب ومـش قــادر على وصفـه وأنا شـــــايفـه
بنظـرة شـوق بتنهيــدة فى دنيا كلـهـا جديـدة
ونجمـة مسكتها بإيــدى وكانت فى الفضا بعيـدة
وشيء فى الليل متوهنــى وشيء فى عنيه بيندهني
حرام نقسى على قلوبنـا حــرام الـشـوق يدوبنـا
تــعال نحب ونسـلم بأمر الحــب
 
 
 
 
 

يا مواعدنى بكرة
يا مواعدنى بكره اوعى تنسى بكره 
وافتكرنى مرة يا مواعدنى بكره 
طمنى مالك كده سارح زى اللى 
رايح منه أمانى بتفتكر ليه فى 
امبارح ده عمره مش راجع تانى 
انسى اللى كان منه وانسى اللى 
نابك فيه ده انت ان بكيت منه 
حتبكى بكره عليه كل القلوب 
اللى تواعدوا بتفتكر بكره وبعده 
والنهارده أنا و أنت حنعيش كده لامتى 
يمكن لبكره يمكن لبعده مين يدرى 
وقت سعدها نسى اللى فات مرة 
بس افتكر بكره بكره تقابلنى وأقابلك 
بكره الأمل ح يبان توقوللى بكره 
واقولك الدنيا فيها حنان و نغنى 
والمغنى يطول واللحن يرجع م الأول 
ونعيش مع الأحلام وقلوبنا لما تنام 
تصحى القلوب بكره يا مواعدنى بكره

..
 
 
 
رسوم: بيكار_الحسين فوزى _مأمون