روح

الخيوط معدية 

بين ابر الوجع 

والزمن مربوط بشواشى الروح

وأنت هناك بتروح

بجروح 

فوق بساط الريح

والوسن 

منك بيستحى 

لما تركب مجداف البحر  

وترسم فى فضاء الروح 

 الحرف الأول والتانى 

التالت.. يبان فى روحك صافى 

 وتنده ماتخافى 

والكلام مرصوص عناوين 

أنا مين وأنت مين؟؟

والسؤال مربوط

فوق قوس الشفايف 

البهتانة 

والبدن بين الرجاء والبقاء 

عريان 

تلملم الباقى منى 

فى صورة مكسورة

وفرشة الألوان 

دبلت  جوا كهف الروح 

من وجع الذكريات 

صوتك مليان سكات 

ومغلفة الوجع؟