3 افتتاحات كبرى للطــــــــــــــــــاقة الكهربائية فى الصعيد

شهد الرئيس عبد الفتاح السيسى افتتاح عدد من المشروعات الجديدة فى مجال الطاقة والكهرباء بمحافظات الصعيد، على رأسها مجمع بنبان للطاقة الشمسية بمحافظة أسوان، بحضور الدكتور مصطفى مدبولى رئيس الوزراء وعدد من الوزراء والمسئولين، وذلك ضمن فعاليات أسبوع الصعيد لافتتاح مشروعات جديدة.

وافتتح الرئيس عبد الفتاح السيسى محطة محولات بنبان للطاقة الشمسية، جهد 500- 220 – 22 كيلو فولت، كما افتتح الرئيس مراكز التحكم والمحطات الجديدة مثل محطة محولات إسنا الجديدة، مركز التحكم فى نجع حمادى.

أجرى الرئيس عبد الفتاح السيسى، جولة تفقدية بمجمع بنبان للطاقة الشمسية بمحافظة أسوان، والذى يعد أضخم محطة لتوليد الكهرباء من الطاقة الشمسية على مستوى العالم. وقال السفير بسام راضى، المتحدث الرسمى باسم رئاسة الجمهورية، بإن مجمع بنبان للطاقة الشمسية هو أضخم محطة لتوليد الكهرباء من الطاقة الشمسية على مستوى العالم، والذى تم إنشاؤه بالشراكة مع القطاع الخاص والخبرات الدولية المتخصصة، كما يعد أحد أهم مشاريع البنية التحتية فى مصر لتوليد الكهرباء من الطاقة الجديدة والمتجددة.

وخلال الاحتفالية شاهد الرئيس السيسى فيلما تسجيليا بعنوان «شموس ساطعة»، والذى استعرض التطور الكبير فى قطاع الكهرباء، خلال السنوات الماضية، وكيفية التعامل مع ملف الكهرباء باعتباره أمنًا قوميًا، وتوفير الطاقة الكهربائية لكافة القطاعات، ووضع خطط عاجلة من أجل توفير هذه الطاقة دون انقطاع، فضلا عن تنفيذ أكبر مشروعات الكهرباء فى الشرق الأوسط وإفريقيا.

وحرص الرئيس عبد الفتاح السيسي، على توجيه الشكر إلى الدكتور محمد شاكر وزير الكهرباء، على جهوده فى ملف الطاقة والكهرباء، قائلا: «فرصة النهارده اشكر الدكتور شاكر كزميل هنا لينا وعلى الجهد اللى عمله فى مشكلة من أكبر المشاكل اللى قابلتنا فى مصر».

وأضاف الرئيس السيسي: «مش كل مرة فى الافتتاحات بنتكلم عن اللى اتعمل وبكام وكده.. إحنا النهارده بنتكلم عن عالم جليل فاضل فى التخصص.. ومن خلال جهده وعلمه يقدر يحقق نقلة فى موضوع الكهرباء فى مصر».

وقال الرئيس السيسي: «دكتور شاكر له مكتب وشركة كبيرة.. «مكتب شاكر».. ساب الشركة دى ولم يسمح لها بالدخول مع الدولة والحكومة والقوات المسلحة.. ليه يا دكتور شاكر.. أى حاجة بيعملها بدون مقابل.. وانا حابب الحكاية دى».

تحدى الكهرباء

وأكد الرئيس عبد الفتاح السيسى، أن قطاع الكهرباء شهد ظروفا صعبة فى الدولة المصرية قبل البدء فى تطويره بشكل كامل، متابعا: «قطاع الكهرباء فى كل شيء كان صعب جدا وفى موضوع الطاقة.. وماشيين فى الطاقة ومش اقصد على الكهرباء بس.. إحنا لما اتكملنا عاوزين مصر فيما يخص الطاقة الكهربائية سواء إنتاج أو توزيع أو تحكم زيها زى أى دولة متقدمة جدا فى المجال».

وأضاف الرئيس السيسى: «نقدر نعمل ربط كهربائى مع دول الجوار نقدر.. ظروفنا فى 2013 و2014 قبل كده مكناش هنقدر.. العالم رايح لكده.. الدولة اللى مش هتكون جاهزة هيفوتها الربط الكهربائى وده لمصلحة البشر والشعوب.. لازم يكون عندك ربط وتتبادل والاستفادة المتبادلة فى الكهرباء.. والإجراءات والجهود فى هذا المجال.. لازم يكون قطاع الطاقة أو الكهرباء من أرقى ما يمكن.. بوجه التحية والتقدير إلى الدكتور شاكر ووزارة الكهرباء.

وأضاف الرئيس: «كانت المشكلة فى 2014 إن إحنا ننتج كهرباء بس؟.. لأ.. ننتج وننقل ونخلى جودة توزيعها عالية، علشان نعمل ده اتكلف تريليون و 58 مليار جنيه بدون تكاليف مشروعات حياة كريمة..الرقم ده لما أتحط، كتير مننا قال هل كان مطلوب مننا؟ هل كان فيه خيار تانى؟..لأ، مشيرا إلى أن الخطة العاجلة للكهرباء تكلفت 2 مليار دولار».

وقال الرئيس: أعباء المشاريع ضخمة جدا على الدولة والديون، إحنا كنا قدام خيارين نقول الموضوع ده ميتحلش، فيه دول بقالها 15 و20 سنة فى الكهرباء ومحلتهاش.

وأضاف الرئيس السيسي: «إحنا نحلها لأننا كنا شايفين إن الأمن القومى فى مصر ممكن يتأثر جدا بالحكاية دي، ثم إن إحنا نبقى دولة ذات شأن وننمى أنفسنا وندى فرصة للقطاع الخاص والاستثمارات والصناعة إنها تنمو أو تستقر على الأقل لأن لو مفيش كهرباء الناس مش هتشتغل، وبالتالى المصانع هتتقل وقلت الكلام ده للدكتور شاكر».

وقال الرئيس: «المحاضرة دى والتقديم بتاع الدكتور شاكر موجودة على موقع وزارة الكهرباء، وتفاصيل أكتر من كده، والبيانات دى مهم انها توصل للناس، سواء الورقى والتليفزيون والراديو نتكلم عن الموضوع ده علشان الناس تعرف الحكاية ماشية إزاي. وأضاف الرئيس: «لما باتكلم مع الناس يقولوا الكهرباء غالية علينا، صحيح، هى غالية لكن مش عاوزين نغليها عليكم».. أحب كل واحد ياخد حقه، أنا وفرت لك خدمة،..حوكمة إجراءاتنا اللى احنا بنعمله نستهدف منه تحصيل ولا لأ؟ لو مش بنحصله هايبقى فيه عجز مش هتقدر الدولة تتحمله..دولة ذات شأن وننمى انفسنا وندى فرصة للقطاع الخاص والصناعة إنها تنمو وتستقر، ولو مفيش كهرباء المصانع هتقفل مصانعها والعمالة هاتبقى بره والبلد دى هتتهد».

الاستثمارات فى الكهرباء

وأوضح الرئيس السيسي، إن الاستثمارات فى الصعيد خلال الفترة الماضية تخطت تريليون و100 مليار جنيه، مضيفا: «الأرقام اللى اتحطت للصعيد فوق التريليون جنيه و100 مليار جنيه فى الكام سنة دول ولسه شغالين».

وأضاف الرئيس السيسي، أن عرض أسبوع الصعيد هدفه أن نقول للناس الاهتمام مش كلام.. حد من كام يوم بيقولى رقم كام، رقم إيه؟.. ده اللى بيتحط أديك رقم صغير وأسيبك كده لا كهرباء ولا مياه ولا صرف صحى ولا طرق ايه ده؟.

وقال الرئيس: «الإعلام مهم جدا إنه ياخد البيانات وإذا كان محتاج يبسطها بالتنسيق مع وزارة الكهرباء ميجراش علشان فى النهاية الناس تجد الخدمة بالشكل المناسب».

حياة كريمة

قال الرئيس عبد الفتاح السيسي، إن مشروع حياة كريمة فى محافظات الصعيد يضم أكثر من 30 مركزا، متابعا: «معرفشى اللى هقوله مناسب.. هل ممكن العدادات اللى هنعملهم فى مراكز حياة كريمة.. الـ 34 مركزا تكون العدادات مسبوقة الدفع.. لما اعمل خليت المواطن شايف الاستهلاك.. فيه ناس اشتكت أن القراءة مش مضبوطة.. العداد معاك وانت اللى بتشحنه بدون قراءة.. انت تنظم استخدامك للكهرباء».

وأضاف الرئيس السيسي، خلال كلمته فى افتتاح مشروعات جديدة فى قطاع الكهرباء بمحافظات الصعيد: «لو نقدر نعمله ياريت عداداتنا فى الدولة المصرية تكون مسبوقة الدفع.. علشان مشكلة الشكاوى من القراءات.. لو ده ممكن يبقى نعملها «.

حجم الانجازات فى الصعيد

أكد الرئيس عبد الفتاح السيسي، أن الدولة المصرية تواصل العمل فى تنفيذ العديد من المشروعات الكبرى فى مختلف المجالات، قائلآ: «لأهالى الصعيد لازم نشوف حجم الجهد المبذول وده مش «من» من الدولة.. ده شغلنا وبنعمله ولو مش عملنها يبقى مقصرين.. وهنعمل أكثر كده.. وإمبارح كنا فى توشكى.. والزملاء اللى كانوا معانا أول مرة يدخلوا يشوفوا».

وأضاف الرئيس السيسى: «خلوا الناس تشوف توشكى وشرق العوينات وغيرها.. لأنى بيكون فيه تشكيك فيما تنفذه الدولة من مشروعات.. خليهم يبنوا الأمل.. كل مشروع ده سد عالى على الأقل.. عاوز الناس تشوف علشان المعنويات ترتفع والثقة تزيد بأن الدولة قادرة تأخذ وتحسن وضعها وتبقى فى مستويات أفضل.

وأكد الرئيس عبد الفتاح السيسي، أن المشروعات الجديدة التى يتم تنفيذها فى محافظات الصعيد يعمل فيها شباب الصعيد، قائلا: «المحطة الجديدة بتاعت الطاقة الشمسية بيشغلها القطاع الخاص.. وأهل الصعيد أولى بالشغل فيها».  

وأضاف الرئيس السيسي: «خلوا الناس تشوف المحطات.. الطايرة ماشية فوق المحطة 5 دقائق.. دى حاجة عظيمة.. نوفر فرصة لشباب الجامعات والمدارس لو أمكن يشوفوا الكلام ده.. والأمور فى البلاد تتجه للأفضل».

وقال الرئيس السيسى موجها الحديث إلى وزير الكهرباء : «يا دكتور شاكر بتقدم الشكر وزارة الدفاع وتدق معاهم فى الفلوس».. ليرد عليه وزير الكهرباء قائلا: «تحت أمرك سيادتك.. بس أنا عندى الفلوس حاجة والشغل حاجة تانية.. وتحت أمرك سيادتك».

وزار الرئيس عبد الفتاح السيسى قرية غرب سهيل بمحافظة أسوان، لتفقد أعمال تطوير الخدمات بالقرية فى إطار مبادرة حياة كريمة.

صرح بذلك السفير بسام راضى، المتحدث الرسمى باسم رئاسة الجمهورية.