بعودة ياباسم.. ولكن من هو باسم!

حلقة العودة للإعلامى الساخر باسم يوسف ببرنامجه «البرنامج» أثارت الكثير من الجدل على مواقع التواصل الاجتماعى بين أوساط الشباب فكانت مادة دسمة أعادت الحياة لصفحات الثوار بما أثارته من ردود فعل متباينة بين مؤيديه ومعارضيه بعدما سخر على طريقته من الأوضاع الحالية فى مصر مشيراً إلى أن «جميع المواضيع فى البلاد تؤدى إلى المشير».. وعليه فإن أكثر من 20 ألف تغريدة على تويتر عن باسم يوسف تمت كتابتها الساعة الماضية فقط خلال البرنامج ، وذلك بإجمالى أكثر من 50 ألف تغريدة حتى الساعة الـ12 مساءً.
وقالت رباب عبدالحميد «باسم ما اتكلمش ربع كلمة عن السيسى هو جاب التطبيل بس.. حلو لما تشوفوا نفسكم فى المراية».
وكتب محمد واكد: «على فكرة باسم يوسف الوحيد اللى سخر من ظاهرة السيسى على التليفزيون، كسر تابوهات بحرفنة بغض النظر عن عدم تطرقه للسيسى نفسه».
وأضاف: «أهم حتة فى برنامج باسم النهاردة لما سئل عبدالرحيم على عن مصدر تسريباته ورد (واحد صحبى).. بيكشف قد إيه مصر بقت جمهورية موز.. كوميديا سوداء بجد».
واعتبرت سارة عثمان أن «باسم» بحلقته الأولى «طبطب على كل المحبطين، روح يا شيخ الله يكرمك»، وتابعت إسراء محفوظ: «برنامج باسم يوسف كشف قد إيه إحنا كتير (الناس اللى فى النص اللى هم مش إخوان ولا سيساويين)، بس ماكنش فيه مناسبة نتقابل فيها كلنا، شكرًا باسم».
أما لؤى نجاتى فأشار إلى أن «أجمل ما فى حلقة باسم هو تصعيد الشباب، قنديل وأيمن وتامر وشادى وخالد منصور».
«باسم يوسف بيهاجم مرسى يبقى علمانى مثلى زنديق أراجوز، يهاجم السيسى يبقى خاين غير وطنى وعميل، فى كل الأحوال هتتشتم».
وفى المقابل هاجم مؤيدون للمشير عبدالفتاح السيسي، وزير الدفاع، باسم يوسف، ووصفوا تطرقه للحديث عنه بـ«إفلاس».
وقالت الفنانة غادة إبراهيم فى حسابها على «تويتر»: «بصراحة كان ﻻزم أشوف عشان أتأكد.. إفلاس إفلاس إفلاس وتصفية حسابات».
بينما كتبت فرح سعفان: «الواحد قلبه بيهبط كده ويحس ببهجة وهو شايف الفلول محروقين»، وأكملت سحر عبدالمحسن: «مش بيحبوا الثورة ولا اللى بييجى منها وبالنسبة لهم (باسم يوسف) وجه ثورى بيشوه بطلهم اللى هزم الثورة».
من ناحية أخرى، قالت الناشطة إسراء عبدالفتاح: «كده باسم يوسف أثبت أنه (من العبث) أن يظن أى شخص أن السلطة كانت لها أى علاقة بوقف برنامجه على سى بى سي».
أما مرتضى منصورفى مداخلة هاتفية له مع فضائية «أونست» مساء الجمعة توعد المستشار مرتضى منصور باسم يوسف قائلا «ده عيل عايز يتربى تربية كويسة أبوه معرفش يربيه، والعيال بتوع إم بى سى هيتربوا تاني، وأنا بقول للملك عبدالله يعنى إيه (إم بى سى مصر) تشتم مصر، إحنا منقدرش نقل أدبنا على السعودية، احترموا شعب مصر، ولو غلطت مش هقولك فى السيسى ولكن فى لو غلطت كناس فى أرض مصر الطاهرة مش عاوز أقولك هيحصلك إيه».