«الإبراشى» يبكىعلى الهواء بسبب نجلة شهيد بـ«مذبحة كرداسة»

لم يستطع الإعلامى وائل الإبراشى تمالك نفسه وبكى على الهواء بعد أن استمع إلى أبناء شهداء مذبحة «كرداسة، الذين عبروا عن حزنهم الشديد بعد أن فقدوا آباءهم فى تلك المذبحة البشعة، مطالبين الرئيس عبد الفتاح «السيسى بتنفيذ حكم الإعدام فى مرتكبى تلك الواقعة».
حيث قالت إسراء نجلة أحد أمناء الشرطة الذى قتل على يد الإرهابيين خلال استضافتها ببرنامج «العاشرة مساء» المذاع على شاشة «دريم2»، «أنا كنت عايزة أطلع دكتورة بس بعد اللى حصل لبابا أنا عايزة أشتغل فى الشرطة عشان أجيب حق بابا، أنا مبقاش عندى أب كل أصحابى فى المدرسة عندهم أب إلا أنا، مبقتش بنادىعلى بابا ولا بشوفه»، وتابعت: «أنا بحب الرئيس السيسى بس هحبه أكتر لو جاب حق بابا من اللى قتله، وعدمهم قدامنا زى ما هما قتلوا بابا قدام الناس كلها، أنا بابا مسلمش عليا قبل ما ينزل الشغل فىاليوم دا مع إنه كل يوم كان بيسلم عليا، أنا عايزة حق بابا».
وفى سياق متصل قالت مريم نجلة أمين شرطة توفى فى نفس الواقعة، «أنا كل أصحابى عندهم أب، أنا خلاص مبقتش بعرف أنام كل يوم بعيط قبل ما أنام، عشان بابا مبقاش ييجى يسلم عليا قبل ما أنام، أنا خلاص مش هشوف بابا تانى».. ومن جانبه قال الإبراشى باكيا، «إحنا كدا مش هنعرف نكمل الحلقة، مش هنقدر نتمالك أعصابنا، هنطلع فاصل ونرجع تانى».