واحة الإبداع ..
حاسه بيك
الأعمال للفنان: أندريه ريمنيف
يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة أو خواطر «على ألا تتعدى 550 كلمة» مرفقا بها صورة شخصية على الإيميل التالى:
حاسه بيك
قصيدة
شعر- امال مبارك
حاسه بيك
وانت بتضحك
والحزن باصص
من عينيك
بيقول حببيتي
ياريت تكونى
جنب منى وتراعيه
بيقول حبيبتي
اسألى قلبى تلاقيه
جوه منه
ماليان بصورتك
والشعاع بيطل فيه
أربع حروف
بينادوا اسمك
يغزلوا بيت وانتي
وحدك ساكنه فيه
هتشوفى جرح
بلون عيونك
لجل ياحبيبتى تداويه
بيقول حبيبتي
اسألى النيل
اللى طبطب
واللى خدنى جوه أحضانه
وقت اما شاف
قلبى بيبكى وينده عليكي
لجل ياحبيبتى تسمعيه
بيقول حبيبتي
لما ليلى جنبه يبات
ويترص جوه جوفه
بواقى مني
وحجات كتير
بتقول حبيبتي
قربى من قلبى اسمعيه
قد ايه شوقه ليكي
والغرام ساكن عينيه
بيبات ياحبيبتى ليلاتى
حلمه بيكى تفسريه
