الألتراس ينظم مسيرة للتحرير ويتعهد بالاستمرار حتي القصاص

قررت رابطة «ألتراس أهلاوي» تنظيم مسيرة احتفالا بذكري الشهيد محمد مصطفي الذي وافته المنية يوم 18 ديسمبر 2011 وقت أحداث الاحتجاجات التي كانت تنظم أمام مجلس الوزراء تنديدا بوزارة الدكتور كمال الجنزوري.

وأضافت الألتراس عبر صفحتها الرسمية علي موقع التواصل الاجتماعي «الفيس بوك» أن المسيرة ستكون اليوم والتجمع سيكون في الثالثة عصرا من أمام بوابة النادي الأهلي وستتجه إلي ميدان التحرير مشددة علي أعضائها الحضور في الموعد.
كما أكدت رابطة الألتراس الأحمر أنها لن تنسي الشهيد الذي قضي نحبه علي «يد المتآمرين» الذين اعتقدوا أنهم كسروا الألتراس بتدبير المؤامرة الثلاثية بين الجيش والشرطة وجماهير بورسعيد بالمذبحة الشهيرة، لكن الطريق ما زال مستمرا حتي القصاص للشهداء والثورة ما زالت مستمرة ضد الظلم والفساد والطغيان.
وفيما يلي نص البيان الذي نشرته الألتراس علي فيس بوك:
 «عايز تعيش حيوان ! براحتك.. عايز تعيش عبد ! حقك .. بس متلومش علي اللي عايز يعيش انسان حر وعنده كرامة».. الكلام ده مش كلامنا ده كلام الشهيد محمد مصطفي يوم 18 ديسمبر 2011 وقت احداث مجلس الوزراء بعد لما العسكر عروا ست البنات وقبل ما هو يستشهد.. كل الحكاية انه صمم علي النزول وكل اللي قاله لمامته ان اللي اتعرت دي كانت ممكن تكون واحدة من اخواته البنات.. ساعتها كان لازم هينزل.. ونزل «كاريكا» وأصابته رصاصة غدر.. اتنقل بعدها «كاريكا» للمستشفي واستشهد هناك.. استشهاد «محمد» كان هو البداية لاحداث بورسعيد بعد كدة.. لأن مبدأ من مبادئ الجروب Together forever.. الجروب بكل اعضائه قالوا ان حق «محمد» لازم يتجاب ولازم يتحاسب اللي دبر وغدر وخان.. والجروب مشي في الطريق ده وبدأ بالهتاف ضد العسكر وضد بلطجة الداخلية.. وطبعا ده كان مفاجأة لنظام اتعود علي ان الدم رخيص وان اي حد بيموت الموضوع بيعدي عادي.. فقرروا تدبير مؤامرة للغدر بالجروب وكانت مؤامرة ثلاثية كان تفكيرهم ان الجروب ممكن يتكسر.. بس احنا مكملين في طريقنا حتي القصاص لكل الشهداء.. الثورة مستمرة ضد الظلم والفساد والطغيان).