يمكن أغيب عنك حبتين

أحوش مهرك الفستان 

 

غنا 

 

أطلق ذغاريد الوجع 

 

شويتين 

 

والضم سواقى العمر 

 

وف عز النهار 

 

يمكن سمار 

 

الأرض مشقوقلك 

 

تنبت آهات الفرح 

 

ف عيون الولاد 

 

متطرطريش 

 

بالرماد 

 

النار بتاكل كل شىء

 

ذى الحطب 

 

قلبى اللى رابط 

 

عل العروق 

 

ضحكة 

 

الضحكة مشتبكة 

 

بين الوسع والبراح 

 

الليل جراح 

 

الموجوعين ف النهار 

 

كان قلب متخدر

 

من زمان 

 

حلمك أدان 

 

من فجر بيشقشق 

 

صلا 

 

الحلم نايم فى الخلا 

 

كان من سنه 

 

يوم ما اتوعدنا 

 

انتى وأنا 

 

يمكن أغيب عنك 

 

حبتين 

 

ارسم غيطان العشق 

 

ف ضحكتين 

 

وارسم بنات الحى 

 

حلم ضى 

 

بيشق الوجع 

 

عل الريق 

 

ميكنش ديق 

 

البيوت 

 

عل الخلق بيصفى 

 

الطريق 

 

القلب والع فيه حريق 

 

وانا بندهك 

 

ساعة صفار 

 

كان حلم دار 

 

جوه البيوت 

 

بيموت 

 

يشبه عيدان 

 

التوت 

 

فى أمشير